മനസ്സ്...

ഈ മനസ്സ് ആരുടെതാണ്??
ഞാന്‍ നിഷേധിച്ചിട്ട് കൂടി നീ  പറയുന്നു ഇതെന്‍റെതാണെന്നു...

ഹൃദയത്തിലെ വേദന വിങ്ങിയ വൃണങ്ങളില്‍ -

ഓര്‍മ്മയുടെ വിഷം പുരട്ടിയ ഒളിയമ്പുകളാഴ്ത്തുന്ന  നിങ്ങളെ 

ഞാന്‍ എങ്ങനെ വിശ്വസിക്കും?

ഒരിക്കലും എനിക്ക് വേണ്ടിയല്ലാത്ത ഒരു മനസ്സ്....

കടന്നു വന്ന ഇന്നലെകളുടെ നീണ്ട വഴിത്താരയില്‍ ഓടി തളരുമ്പോള്‍,

എന്നും എന്നിലേക്ക്‌ തന്നെ മടങ്ങുന്ന ഈ മനസ്സ്-

എന്നെ ഉള്‍ക്കൊള്ളുന്ന ഒരു മനുഷ്യനെ തേടിയാവാം.

പിന്നെയും യാത്ര തുടരുന്നു...!!