പുറത്ത് കര്ക്കിടക മഴ തകര്ത്തു പെയ്യുന്നു. മഴയായതു കൊണ്ടാവാം കഫെയില് തിരക്കൊന്നുമില്ല. അവള് ജനലിലൂടെ പുറത്തേക്ക് നോക്കി മഴയുടെ താളം ആസ്വദിച്ചു കൊണ്ടിരുന്നു. ഈ മഴയെ താനിപ്പോള് കൂടുതല് സ്നേഹിക്കുന്നു. കാരണം മഴയാണല്ലോ അവനെ തനിക്കു സമ്മാനിച്ചത്. 2 മാസം മുന്പ് ഇതുപോലെ മഴയുള്ള ഒരു ദിനത്തിലാണ് താന് ജോലി ചെയ്യുന്ന ഈ കഫെയിലേക്ക് അവന് നനഞ്ഞു ഓടി വന്നു കയറിയത്. ആദ്യ നോട്ടത്തില് തന്നെ ആരെയും ആകര്ഷിക്കുന്ന മുഖം. ക്യാബിന് കാണിച്ചു കൊടുക്കുന്നതിനോടൊപ്പം തന്നെ കൈയ്യിലിരുന്ന കര്ചീഫ് അറിയാതെ അവനു നേരെ നീട്ടി.
പിന്നീട് കഫേയിലെ നിത്യ സന്ദര്ശകനായി അവന്. പരിചയം പ്രേമമായി വളര്ന്നു. നാളെയാണ് വീട്ടുകാരെയും കൂട്ടി അവന് തന്നെ പെണ്ണുകാണാന് വരുമെന്ന് പറഞ്ഞ സുദിനം. മനസ്സ് വല്ലാതെ തുള്ളി ചാടുന്നത് അവള് അറിഞ്ഞു. അച്ഛനില്ലാത്ത ഒരു പാവപ്പെട്ട കുടുംബത്തിന്റെ താങ്ങാണ് താന്. തനിക്കൊരു താങ്ങായി അവനുണ്ടാകുമെന്നു ഓര്ത്തപ്പോള് ഒത്തിരി സന്തോഷം തോന്നി. എന്നും രാവിലെ വിളക്കു വെച്ച് തൊഴുന്ന കണ്ണന്റെ ചിത്രത്തിലേക്ക് അവള് നന്ദിയോടെ നോക്കി. അപ്പോഴേക്കും സായാഹ്ന പത്രവുമായി പയ്യന് വന്നു.അവള് പത്രമെടുത്ത് അന്നത്തെ വാര്ത്തകളിലൂടെ ഒന്ന് കണ്ണോടിച്ചു. "പെണ്കുട്ടികളെ വിവാഹ വാഗ്ദാനം നല്കി സെക്സ് മാഫിയക്ക് കൈമാറുന്ന സംഘത്തിലെ 4 പേര് അറസ്റ്റില് ". പത്രത്തില് കണ്ട 4 ഫോട്ടോയിലെ ഒരു മുഖം...അതവനല്ലേ? കൈയ്യില് നിന്നും പേപ്പര് താഴേക്കു ഉര്ന്നു പോയത് അവള് അറിഞ്ഞില്ല. അപ്പോള് കര്ക്കിടകത്തിലെ പെരുമഴ പോലെ നിറഞ്ഞൊഴുകുന്ന അവളുടെ കണ്ണും , മനസ്സും ചെന്ന് പതിച്ചത് കണ്ണന്റെ ആ ചിത്രത്തിലായിരുന്നു....!!
Really nice story...keep it up
ReplyDelete